Bu gün Talibanın nümayəndə heyəti əfqan-əfqan formatında müzakirələr üçün Çinə gəlib. Məqsəd Əfqanıstanda sabitliyə nail olmaq, mövcud şəraiti müzakirə etməkdir. Taliban bu vaxta qədər müzakirə tərəfi kimi tanımadığı Əfqanıstan hökuməti ilə müzakirə aparacaq. İlk addımda 18 ildir davam edən qarşıdurmaya sonqoyub atəşkəsə nail olmaq nəzərdə tutulur. Talibanın sözçüsü Süheyl Şahin deyib ki, Çin bu görüşə vasitəçilik edir. Bu görüşdə atəşkəs razılığı əldə edilərsə, bu uğur həm də Çinin uğuru sayılacaq.
