Şəmsi təqvimlə 13 aban (4 noyabr) Dünya İmperializmi ilə Milli Mübarizə Günüdür. Bu münasibətlə tələbə və məktəblilərlə görüşən İnqilab Rəhbəri Ayətullah Xamenei öz çıxışında buyurub: Bir müddət Nüvə Razılaşmasının (Bərcam) yolunu gözlədiyimiz kimi indi də avropalıların addım atacağını gözləməyək. Öz gücümüzə güvənməli, bütün imkanlarımızı milli istehsalın rövnəqlənməsinə sərf etməliyik… Amerikalılara inanmaq olmaz. Onlar hətta Amerikaya inanan Müsəddiq hökumətinə rəhm etmədilər. Milli hökuməti devirib, diktatura rejimini iş başına gətirdilər. Çevrilişlə devrilən milli hökumət böyük şeytana etmadın cavabını aldı… Amerika bu gün də həmin canavar xislətindədir. Amerika ilə müzakirəyə icazə verilməməsi onların İrana nüfuzunun qarşısını alan əsas vasitədir. Əmin olun ki, Amerika ilə müzakirədə heç bir imtiyaz verməyəcəklər. Amerika ilə hər şəkildə müzakirəyə getmiş olsaydınız da, sanksiyalar azalmayacaqdı…
