Huawei-in maliyə direktoru 9 aydır Kanadada həbsdədir
Story Code : 825904
Ötən il dekabr ayında Çinin Huawei Technologies şirkətinin maliyə direktoru, o cümlədən şirkətin təsisçisinin qızı Meng Wanzhou Kanadada həbs edildi. Huawei Technologies şirkətinin aparıcı siması ABŞ-ın sifarişi ilə saxlanıldı və Vaşinqton onun ABŞ-a ekstradisiyasını tələb etdi. Xanım Meng İrana qarşı sanksiyaları pozmaqda ittiham edilir. Onu 10 milyon kanada dolları girov müqabilində, qoluna GPS-qolbaq taxmaqla azad ediblər. Meng Wanzhou hələ də həbsdə sayılır. Bu siyasi bir həbsdir, bütün hüquqşünaslar Kanadanın atdığı addımı onun nüfuzuna öldürücü zərbə kimi dəyərləndirir.