Ötən gün Ərəbistan vəliəhdi Bin Salmanın Əmirliyə qəfil səfəri siyasi şərhçilərin gündəmindədir. Səfərin səbəbləri barədə rəsmi açıqlama olmasa da, ərəb ölkələri mediasında bu səfər iki ölkə arasında Yəmən məsələsindəki ixtilaflarla əlaqələndirilir. Yəmən müharibəsinə müttəfiq kimi daxil olan Riyaz və Əbu-Zəbi arasında sonradan ciddi fikir ayrılığı yaranıb. Əmirlik həm də Ərəbistanın sülh müzakirələrinə təkbaşına start verməsindən narazıdır. İki vəliəhdin bu və başqa mübahisəli məsələləri müzakirə edəcəyi gözlənilir.