Islam Times - ABŞ Suriyadakı edamlarla bağlı saxta videolar çəkib

İslamtimes - ABŞ Suriyanın qanuni hökumətinə qarşı mübarizədə Suriyadakı kürd radikallarından və İŞİD üzvlərindən istifadə edərək, terrorizmə göz yumur. Bu haqda hərbi ekspert Anatoliy Matviyçuk öz fikirlərini bildirmişdir. Xatırladaq ki, bundan əvvəl Federal Xəbər Agentliyi ABŞ-ın terrorçulara dəstək verməsindəki rolunu izah edən Suriya ilə bağlı istintaqın ikinci hissəsini dərc etmişdi.

"Deyerler.org"un Parstoday-a istinadən verdiyi xəbərə görə, nəşrin müəllifi məqalədə keçmiş İŞİD üzvündən sitat gətirərək, ABŞ-ın İŞİD terrorçularına informasiya müharibəsi təlimləri keçdiyini bildirmişdir. Bu işin nəticəsi olaraq edam səhnələrinin yayılmasını qeyd etmək olar. Hərbi ekspert Matviyçuk, terrorçuların ABŞ ilə birlikdə Suriyadakı qanuni hakimiyyəti aradan aparmağa çalışacağını və bu yolda informasiya silahlarından istifadə ediləcəyini bildirir. Onun sözlərinə görə, məlumat kampaniyası hökuməti ləkələməyə başlayacaq. Əvvəllər olduğu kimi kimyəvi silahlara münasibətdə müxtəlif qurğular istifadə ediləcək. Kürdlərin kütləvi edamları həyata keçirilə bilər, daha sonra bu edamların Suriya hökuməti tərəfindən edilməsi iddia ediləcək. Mütəxəssis, ABŞ-ın Suriyaya informasiya müharibəsində terrorçuları yetişdirmək üçün mütəxəssislərini göndərdiyi məlumatını təsdiqləyir. O qeyd edir ki, İŞİD üzvlərinə təlim keçmək üçün Suriyaya, xüsusi hazırlanmış ABŞ qoşunlarının bir qrupu gətirilib. İŞİD-in ABŞ tərəfindən dəstəklənməsi üsulları haqqında təfərrüatlar Federal Xəbər Agentliyinin materialında təsvir edilmişdir.