Bu gün günortadan sonra Kərbəla şəhərində bir qrup niqablı təxribatçı soyuq silahla dinc aksiya keçirənlərə hücum edib. Aksiyaçılar arasında yaralananlar var. Niqablıların hücumundan sonra aksiyaçılardan bir hissəsi şəhərin küçələrində avtomobil təkərləri yandırıblar. Bəzi küçələrdə niqablılarla aksiyaçılar arasında qarşıdurma yaranıb və hər iki tərəfdən zərər çəkənlər var. Xalq məhkəmə binasının qarşısına toplanaraq təxribatçıların aşkarlanaraq həbs edilməsini tələb edib.