Sepah general Qasim Süleymaninin ABŞ qüvvələrinin hücumunda şəhd olduğunu təsdiqləyib

"İnna lillah və inna ileyhi raciun"

 

ABŞ ordusuna məxsus hərbi təyyarə İraqın paytaxtı Bağdadda beynəlxalq hava limanının yaxınlığında Həşd Şəbiyə məxsus iki avtomobilə havadan zərbələr endirib.

 

Maide.Az "təsnimnews“a istinadla xəbər verir ki, hücum nəticəsində Həşd Şəbinin ictimaiyyətlə əlaqələr şöbəsinin rəhbəri Məhəmməd Rza əl-Cabiri və maşında olan digər 8 şəxs həyatlarını itiriblər.

 

Məlumatda bildirilir ki, hava limanına endirilən raket zərbələri nəticəsində İran İnqilabı Keşikçiləri Korpusunuun (“Sepah”) “Quds” qanadının komandanı, general Qasım Süleymani də şəhid olub.

 

İslam İnqilabı Keşikçilər Korpusu bəyanat yayaraq general Qasim Süleymaninin bir ömür cihad etdikdən sonra ABŞ qüvvələrinin terroru nəticəsində şəhid olduğunu təsdiqləyib. 

 

Öz növbəsində ABŞ Bağdadda İranla əlaqəli iki hədəfə zərbə endirildiyini təsdiq edib. Bu barədə “Reuters” ABŞ administrasiyasındakı mənbələrə istinadən məlumat yayıb.

 

Bəzi KİV-lərin məlumatına görə, Pentaqon ABŞ prezidenti Donald Trampın bir başa göstərişi ilə İran İnqilabı Keşikçiləri Korpusunun (“Sepah”) “Quds” qanadının komandanı, general Qasım Süleymanini terror etdiyini açıqlayıb.

 

Allah rəhmət eləsin!