Islam Times - Berlində Qasım Süleymani və Əbu Mehdi Əl-Mühəndisi terror edən ABŞ qınandı

Berlində Qasım Süleymani və Əbu Mehdi Əl-Mühəndisi terror edən ABŞ qınandı

İslamtimes - Almaniyanın paytaxtı Berlindəki fərqli ölkə vətəndaşlarının iştirakı ilə ABŞ terroru nəticəsində qətlə yetirilmiş İranın İnqilab Keşikçiləri (SEPAH) ordusunun xarici əməliyyatlarına cavabdeh Qüds Qüvvələrinin komandanı general-mayor Qasım Süleymani, İraqın Əl-Həşduş Şəbi Qüvvələrinin ikinci komandiri Əbu Mehdi Əl-Mühəndis və digər şəhidlər üçün anım mərasimi keçirilib.

Deyerler.org ABNA-ya istinadən xəbər verir ki, ABŞ-ın Berlindəki səfirliyi önündə toplaşan onlarla Əhli-Beyt (ə) ardıcılı və müqavimət tərəfdarlarının qatıldığı möhtəşəm mitinqdə, etirazçılar "Amerikaya ölüm” və “İsrailə ölüm” şüarlarını səsləndiriblər.

Mitinq vaxtı Almaniya polisi etirazçılara ABŞ və İsrail rejiminə qarşı heç nə deməmək barədə dəfələrlə xəbərdarlıq etsə də, iştirakçılar Almaniya təhlükəsizlik qüvvələrinin tələblərinə tabe olmayıblar.

Etirazçılardan birinin həbs olunmasına baxmayaraq, etirazçılar ABŞ və sionistlərə qarşı şüarlar səsləndirməyə davam ediblər.

Deyerler.org