Zelenski: İranın araşdırmalardakı həmkarlığını təqdir edirəm

Ukrayna prezidenti Tehranda Ukrayna təyyarəsinin yanlışlıqla vurulması ilə əlaqədar açıqlama verib.
Ukrayna prezidenti Vladimir Zelenski bu ölkəyə məxsus təyyarənin İranda süqut etməsinə reaksiya göstərərək İran hökumətindən zərərçəkmişlərin ailələrinə təzminat ödənilməsini istəyib.
Ukrayna prezidenti hadisəni yaxından izlədiyini bildirərək, araşdırmalarda İranın yüksək səviyyədə əməkdaşlığını təqdir edib.
Qeyd edək ki, Ukrayna təyyarəsi İran Silahlı Qüvvələrinə məxsus korpuslardan birinə yaxınlaşdığına görə, müdafiə sistemi təhlükəli obyekt kimi göstərib və təyyarəyə atəş açılıb. Nəticədə təyyarədə olan 176 nəfər həlak olub.