“Əsrin sövdələşməsi” böyük İsrail layihəsinin tərkib hissəsidir

Ərəb dünyasının məşhur eksperti və yazıçısı Əbdül Bari Ətvan Trampın sülh layihəsi ilə bağlı açıqlama verib. Ətvan deyir: İşğalçı İsrailin istəyi ilə Donald Tramp tərəfindən irəli sürülən sülh layihəsi Fələstin xalqına xəyanətdir və qısa zamanda puça çıxacaq. Bu sənəd sülh sazişi yox, təslimçilik sənədidir. İşğalçı İsraili Livanın cənubundan və Qəzzədən qovanlar “Əsrin sövdələşməsi”ni də ləğv edəcək. Tramp böyük İsrail layihəsinin bünövrəsini qoymaq istəyir. Biz cənubi Afrikadakı aparteid rejiminin dirçəlişinə cəhdlə üzbəüzük. Bu xəyanətkar sövdələşməyə əsasən, fələstinlilərə öz torpaqlarından sionist rejimin nəzarəti altında olan üç kiçik ərazi verilir. Fələstin Azadlıq Təşkilatı bu xəyanətkar müqaviləyə münasibətdə öz vəzifəsini yerinə yetirməyib. Sözdə müxalifət bəs etmir, əməli addımlar atılmalıdır.