Islam Times - Tramp Pentaqon rəhbərinin müavini Con Rudun istefa verdiyini bəyan edib

İslamTimes: ABŞ Prezidenti Donald Tramp ABŞ Müdafiə Nazirinin siyasi məsələlər üzrə müavini Con Rudu istefa verməyə məcbur edib

APA TASS-a istinadən xəbər verir ki, Tramp bu barədə Twitter səhifəsində yazıb.

"Con Ruda ölkəmizə göstərdiyi xidmətə görə təşəkkür edirəm və gələcək işlərində uğurlar diləyirəm", - deyə Tramp vurğulayıb.

Pentaqon sözçüsü Conatan Hoffman bildirib ki, Rudun vəzifəsini müvəqqəti olaraq Ceyms Anderson əvəz edəcək.

ABŞ mediası isə yayılan istefa məktubunun mətninə görə, Rudun öz istəyi ilə istefa vermədiyini yazıb. Bildirilib ki, o, istefa ərizəsini Trampın təzyiqi ilə imzalayıb.

"Cənab Prezident, nazir Esperin dediklərindən anladım ki, istefamı siz tələb etmisiniz”, - deyə Con Rud qeyd edib.

Conatan Hoffman isə jurnalistlərə açıqlamasında bildirib ki, Tramp Prezident Administrasiyasında təyin etdiyi istənilən şəxs barədə qərar verə bilər, bu onun haqqıdır.