Misirdə ilk koronavirusa yoluxma hadisəsi təsdiqini tapmayıb

APA RİA Novostiyə istinadən xəbər verir ki, bu barədə “Əl-Əhram” nəşri məlumat dərc edib. 

Bildirilib ki, koronavirus aşkar edilən xarici vətəndaşın testlərinin nəticələri mənfi olub.

Xəstəxanaya gələn əcnəbidən üç gündə altı dəfə təkrar test nümunələri götürülüb.

Xatırladq ki, Misir Səhiyyə Nazirliyi fevralın 14-də Ümumdünya Səhiyyə Təşkilatı ilə birgə yaydığı məlumatda ölkədə ilk koronavirusa yoluxma hadisəsinin qeydə alındığı vurğulanmışdı. 

Misirin Səhiyyə naziri Hala Zayed xəstəliyin simptomlarını açıqlamasa da, xarici vətəndaşın infeksiyanın daşıyıcısı olduğunu söyləmişdi.