İraq Təhlükəsizlik İdarəsindəki mənbə bildirib ki, İraqın Həşd əl-Şəbi Müqavimət Hərəkatı İŞİD terror qruplaşmasının Dialə şəhərinin şimalına təşkil etdiyi hücumun qarşını alıb. İraqda dövlət idarələrinin başının koronavirusun önlənməsi tədbirlərinə qarışmasından sui-istifadə etmək istəyən İŞİD terrorçuları Suriya ərazisindən İraqa daxil olub. Amma Həşd əl-Şəbi hərəkatının sayıqlığı nəticəsində terrorçuların əməliyyata hazırlaşdığı 10 gün öncədən məlum olub. Elə bu səbəbdən təkfirçilər hər hansı zərbə vurmadan Həşd əl-Şəbi döyüşçüləri qəhrəmanlıqla onların qarşısına çıxıb.
İŞİD-in günün son saatlarında kiçik və orta çaplı silahlarla hücuma keçdiyi bildirilir.
Təhlükəsizlik Nazirliyindəki mənbə bildirib ki, qarşıdurma hələ də davam edir, Həşd əl-Şəbi Müqavimət Cəbhəsinin iki döyüşçüsü yaralanıb.
İŞİD terrorçuları bu günədək dəfələrlə Amerikanın dəstəyi ilə İraqdakı neft yataqlarına nəzarəti ələ keçirmək üçün əməliyyatlar keçiriblər. Amma hər dəfə Həşd əl-Şəbinin sərt müqaviməti ilə üzləşiblər.
ABŞ İraqın terrorçulardan təmizlənməsində əvəzolunmaz xidmətləri olan Həşd əl-Şəbi Hərəkatına qarşı bir neçə dəfə hava hücumları təşkil edib. İraq dövləti rəsmi olaraq İraq ordusuna daxil edilən Həşd əl-Şəbiyə qarşı Amerikanın terror hücumlarını pisləyib və bu hücumların dayandırılmasını tələb edib.