İranın hava müdafiəsi sərhəd pozan ABŞ təyyarəsinə xəbərdarlıq etdi
Deyerler , 17 Apr 2020 15:19
İslamtimes - Bəzi xəbər mənbələri Fars körfəzində ABŞ döyüş təyyarəsinə İranın hava hücumundan müdafiə sistemi tərəfindən xəbərdarlıq edildiyini bildirib.
Deyerler.org Parstoday-a istinadən xəbər verir ki, Qətərin “Al-Jazeera” televiziyası dünən (17 aprel) iranlı mənbələrə əsaslanaraq, bir ABŞ döyüş təyyarəsinin İranın hava məkanını pozmağa çalışdığını, lakin İranın hava hücumundan müdafiə sisteminin xəbərdarlığı ilə istiqamətini dəyişdirdiyini qeyd edib.
“Al-Jazeera” televiziyası İranın hərbi qayıqlarının Fars körfəzindəki manevrlərinin də ABŞ-ın bu təhrikedici hərəkətinə qarşı reallaşdırıldığını qeyd edib.
ABŞ-ın Qərbi Asiya, Mərkəzi Asiya və Şərqi Afrikadakı Mərkəz Qüvvələr Komandanlığı (CENTCOM) aprelin 16-sı səhər saatlarında İranın 11 sürətli hərbi qayığının ABŞ-ın 6 döyüş gəmisinə yaxınlaşdığını iddia etmişdi.
Story Code: 857247