Sionistlər Qəzza sakinləri üçün koronavirus testini dayandırıb

Beynəlxalq Qrupunun məlumatına görə, aprelin 22-dən etibarən sionist rejimin Hərbi Nazirliyinin əmri ilə İsrail rejiminin ordusu, Qəzza zolağının sakinləri üçün KOVİD-19 virusuna qarşı analizləri dayandırıb.

"Deyerler.org"un Parstoday-a istinadən verdiyi xəbərə görə, “Yerusəlim Post” qəzetinin yazdığına əsasən, sionist rejimin Nazirlər Kabinetinin koronavirus üçün analizlərin keçirilməsinə qarşı çıxması ilə əlaqədar olaraq, İsrail rejiminin Hərbi naziri Naftali Bennet Qəzza sakinləri üçün sınaqların dayandırılması barədə əmr verib. Bundan əvvəl sionist rejimin ordusu, beynəlxalq təzyiqlərə görə, 13 ildir hava, dəniz və yerdən mühasirədə olan Qəzza zolağının sakinlərini koronavirus nəzarəti baxımından hər gün 50 nəfərin analiz edəcəyini bildirmişdi. İsrail rejiminin gündəlik “Maariv” qəzeti, son iki gündə sionist rejimin ordusu Təl-Əviv Kabinetinin və Bennettin əmrinə görə, Qəzza zolağında yalnız 100 sakinin analiz edildiyini yazıb. Müvafiq olaraq, Təl-Əvivin Qəzza sakinləri ilə analizlərin davam etdirilməsinin əleyhinə olan səbəblərdən biri, İsrail rejiminin ordusu ilə işğal olunmuş ərazilərdə Koordinasiya İdarəsi (Kuqat) arasında əlaqələrin pozulmasıdır. “Yerusəlim Post” qəzetinin verdiyi məlumata görə, HƏMAS, iki milyon sakini olan Qəzza zolağında koronavirus infeksiyasının yayılacağı təqdirdə başqa bir humanitar fəlakətin baş verəcəyi ilə bağlı xəbərdarlıq edib.