"Əl-Məlumə" informasiya agentliyinə müsahibə verən Həşd əl-Şəbi Müqavimət Hərəkatının şimal məntəqəsindəki rəhbəri Əl-Hüseyni bildirib ki, Həşd əl-Şəbi və digər təhlükəsizlik qüvvələri İraq ordusu qırıcılarının dəstəyi ilə həyata keçirdiyi unikal əməliyyatda 50-dən çox İŞİD terrorçusunu məhv edib.
Əl-Hüseyni əlavə edib: "Ən vacib əməliyyatlar Kərkük və Əl-Ənbar əyalətlərində həyata keçirilib. Bu əməliyyatda İŞİD-in əsas sərkərdələri öldürülüb. Əməliyyatlar Səlahiddin, Diyalə və digər şəhərlərdə terror səbəbindən həyatını itirənlərin intiqamının alınmasına yönəlmiş kəşfiyyat əməliyyatlarının bir hissəsidir."
Ötən həftələrdə İraqın bir sıra məntəqələrində o cümlədən Diyalə şəhərində terror aktları törədilib. Bu terror aktları nəticəsində bir neçə nəfər həlak olub.
Həmçinin bu gün beş İraq hərbçisinin, o cümlədən üç mülki şəxsin İŞİD-in hücumları nəticəsində həlak olduğu bildirilib.
Əlavə olaraq Diyalə əyalətinin Xanəgin şəhərində Həşd əl-Şəbi hərəkatına məxsus bir avtomobilin partladılması nəticəsində iki hərbçinin şəhid olduğu xəbər verilir.