QR Code

Amerikalıların əksəri Floydun qətli ilə bağlı aksiyaları dəstəkləyir

IslamTimes , 10 Jun 2020 00:08

İslamTimes: Amerikalıların əksəriyyəti, Corc Floydun ağdərili polis məmuru tərəfindən qətlə yetirilməsinə görə daha da genişlənən etirazları dəstəkləyir.

"Washington Post" qəzeti yeni bir sorğunun nəticələrinə əsasən yazıb ki, amerikalıların əksəriyyəti, Corc Floydun ağdərili polis məmuru tərəfindən qətlə yetirilməsinə görə daha da genişlənən etirazları dəstəkləyir.

Qəzet bu insanların əksəriyyətinin Amerikada polisin qaradərililərə qarşı ədalətli davranmadığına inandıqlarını bildirib.

Washington Postun yazdığına görə, sorğuda iştirak edənlər son etirazlar zamanı Donald Trampın xalqa qarşı davranışını mənfi dəyərləndiriblər.

Sorğuda iştirak edənlərin 61 faizi Trampın son həftələrdəki etirazları idarə etmə üsuluna qarşı olduğunu bildirib. Yalnız 35 faiz onun qərarlarını dəstəkləyib.

Washington Post qəzeti yazıb ki, hər 3 amerikalıdan 2-i Corc Floydun qətlinin hüquq-mühafizə orqanlarında daha geniş problemlər olduğunu göstərdiyini söyləyib.

Amerikalıların dörddə üçü (74 faizi), Corc Floydun öldürülməsini ABŞ-da irqi ayrıseçkiliklə bağlı ən böyük problem hesab edir.

Story Code: 867605