Amerika himninin sözlərini yazan şairin də heykəli aşırıldı

"Associated Press"in verdiyi məlumata görə Amerikada şənbə günü etirazçılar daha bir neçə heykəli, o cümlədən Amerikanın dövlət himninin sözlərinin müəllifi olan şairin heykəlini aşırıblar.

Məlumata görə, ABŞ-ın şərq əyalətlərində "Amerika Konfederativ Ştatları" dövrünə aid komandirlərin xatirəsinə ucaldılmış daha bir neçə heykəl də aşırılıb.

Şimali Karolinada qubernator şiddətli qarşıdurmaların qarşısını almaq üçün bir neçə heykəlin təcili olaraq götürülməsini əmr edib.

Bu heykəllərə, simvollara hücum qaradərili amerikalı Corc Floydun polis tərəfindən vəhşicəsinə öldürülməsindən sonra keçirilən etirazların bir hissəsidir.

Bir neçə həftə əvvəl ağdərili bir polisin dizini qaradərili Corc Floydun boynuna basaraq onu boğaraq öldürdüyünə aid video görüntülər yayıldı. Bu görüntülər təkcə qaradərililər deyil, hətta ağdərili amerikalıların da qəzəbəni səbəb olub. Həftələrdir Amerikada "Blacks Lives Matter" (Qaradərililərin Həyatı Önəmlidir) şüarı ilə aksiyalar keçirilir.