Islam Times - İran “Remdesivir”in istehsalına başlayır

İslamTimes: İran gələn həftədən etibarən koronavirusun müalicəsində istifadə olunan "Remdesivir" preparatının istehsalına başlayacaq.

"Qafqazinfo" xəbər verir ki, bu barədə İranın Səhiyyə naziri Səid Nəməki açıqlama verib. O bildirib ki, hazırda koronavirusa qarşı heç bir təsdiqlənmiş və effektiv dərmanın olmamasına baxmayaraq "Remdesivir" preparatı ABŞ və Avropada koronavirus xəstələrinin müalicəsində istifadə olunur.

Nəməki bildirib ki, preparatdan ölkədə kifayət qədər olsa da gələn həftədən etibarən dərmanın yerli istehsalının başladılması planlaşdırılır.