Islam Times - Liberman: Netanyahu nə yolla olur olsun erkən seçki ardıncadır

İslamTimes: Netanyahunun Beni Qantzı koalisiya hökumətindən uzaqlaşdırmaq istəməsi ilə bağlı xəbərlər təsdiqini tapır

İşğalçı İsrailin sabiq müdafiə naziri, hazırkı "İsrail Evimiz Partiyası"nın rəhbəri Aviqdor Liberman deyib: "Son hadisələri nəzərdən keçirsəniz, görərsiniz ki, İsraildə bir il yarım ərzində artıq dördüncü ümumi seçkilər keçirilə bilər.

Liberman İsrail Ordusu Radiosu kimi tanınan "Galataz"a müsahibəsində deyib: "Qantzın başçılıq etdiyi “Mavi-Bəyaz” partiyası üzvlərindən heç kim partiyanı tərk etməyib və onlar Netanyahunun bir illik büdcə planını dəstəkləmək niyyətində deyil. Netanyahu isə noyabr ayında, məhkəmə prosesi başlamazdan öncə seçkilər keçirmək niyyətindədir."

Veb sayt yazıb ki, hətta Likud partiyası bir illik büdcə planından vaz keçsə və ya "Mavi-Bəyaz" partiyası bu planla razılaşsa belə Netanyahu yenə də sionist rejimdə seçkilər keçirmək üçün bir bəhanə tapacaq!