Co Baydenin Ərdoğanla bağlı fikirlərinə Türkiyənin partiya nümayəndələri sərt reaksiya verib

APA-nın yerli bürosunun xəbərinə görə, Türkiyənin iqtidar və müxalifət partiyalarının bir sıra tanınmış nümayəndələri “twıtter” səhifələrindən mesaj paylaşaraq, Co Baydenin fikirlərinə etiraz ediblər.

Qeyd edək ki, Co Bayden bu ilin yanvarında keçirilən bir toplantıda Türkiyə Prezidenti Rəcəb Tayyib Ərdoğanı hədəfə alaraq Türkiyənin müxalifət partiyalarını dəstəklədiyini deyib. Türkiyə ictimaiyyətində yeni yayılan Co Baydenin bu fikirləri arasında “parlamentə töhfə vermək istəyən kürdlərin inteqrasiyasına şərait yaratmalıyıq” ifadəsi də yer alıb.