İllər sonra Hizbullaha qarşı ittihamların böhtan olduğu üzə çıxdı!
Story Code : 881044
APA-nın "Associated Press"ə istinadən verdiyi xəbərə görə, tribunala sədrlik edən hakim R. Həririyə qarşı sui-qəsddə iştirak etməkdə günahlandırılan “Hizbullah”ın dörd üzvü barədə hökmü elan edib.
Hakim bildirib ki, şəxslərə qarşı təqdim olunan dəlillər sadəcə ikinci dərəcəlidir və onların günahkar olduğunu sübut etmir. Hakim sui-qəsdin mürəkkəb siyasi motivlərinin olduğuna diqqət çəkərək deyib ki, R. Həriri Suriya və “Hizbullah”ın Livanda təsirinin azaldılmasında maraqlı olub.
“Hakimlərin nöqteyi-nəzəri bundan ibarətdir ki, Suriya və “Hizbullah” Livanın Rafiq Həriri və onun bəzi siyasi müttəfiqlərinin aradan götürülməsində maraqlı ola bilərdilər. Lakin “Hizbullah”ın və ya Suriyanın sui-qəsddə iştirak etdiyinə dair heç bir sübut yoxdur”, - deyə hakim qeyd edib.
Xatırladaq ki, 2005-ci ildə Beyrutda baş verən partlayışda R. Həriri ilə yanaşı 21 nəfər həlak olub.