Islam Times - Trampdan etiraf: Hamı zəng edirdi ki, bu addımı atma!

İslamTimes: ABŞ-ın İsraildəki Səfirliyini Təl-Əvivdən Qüdsə köçürməzdən öncə xarici həmkarlarımdan gələn telefon zənglərinə məhəl qoymurdum.

Axar.az xəbər verir ki, bunu ABŞ Prezidenti Donald Tramp deyib. O, bəzi ölkələrin səfirliyin köçürülməsinə mane olmaq üçün ABŞ-a əhəmiyyətli təzyiq etməyə çalışdığını bildirib:

“Hansısa bir anda sadəcə öz telefonumu söndürdüm. Yoxsa gah bu kral, gah da o birisi zəng edib, İsrail barəsində danışmaq istədiyini deyirdi. Mən deyirdim ki, onlara bir neçə gün sonra zəng edəcəyimi deyin. Krallar, kraliçalar, baş nazirlər, prezidentlər zəng edirdilər ki, etməyin, yoxsa Yaxın Şərqdə qan axacaq. Amma biz bu addımı atdıq..."