Islam Times - İşğal olunmuş Fələstində koronavirusa görə yenidən sərt karantin tətbiq edilir

İşğal olunmuş Fələstində koronavirusa görə yenidən sərt karantin tətbiq edilir

İslamTimes: İşğalçı İsrail hökuməti koronavirus infeksiyasının yayılmasının qarşısını almaq üçün sərt karantin rejiminin üç həftə müddətinə bərpasına qərar verib.

APA xəbər verir ki, bu barədə sionist rejimin “Kan” radiosu məlumat yayıb.

Məlumata görə, məhdudiyyətlər 18 sentyabr saat 14:00-dan qüvvəyə minəcək və sakinlərin evlərindən 500 metrdən çox uzaqlaşmasına icazə verilməyəcək. Bundan başqa, restoran, otel, idman salonları və hovuzlar bağlanacaq.

Qeyd edək ki, işğal olunmuş ərazilərdə ümumilikdə 153,8 min nəfər koronavirusa yoluxub, 114,6 min nəfər müalicə olunaraq sağalıb, 1,1 min insan isə virusun qurbanına çevrilib.