Islam Times - Ankaradan Qahirəyə sərt reaksiya: Terrora xidmət...

İslamTimes: Suriyada terrorla mübarizədə şəhidlər verən, 4 milyona yaxın suriyalı miqranta qucaq açan Türkiyəyə qarşı bu ittihamları ciddi qəbul etmirik.

Axar.az xəbər verir ki, bunu Türkiyə Xarici İşlər Nazirliyinin sözçüsü Hami Aksoy Misir XİN rəhbəri Samih Şükriyə cavabında deyib.

O bildirib ki, Türkiyənin bölgədəki varlığı təkcə öz təhlükəsizliyinin deyil, eyni zamanda, Suriyanın ərazi bütövlüyünün qorunmasında təminatçı rolunu oynayır:

“Suriya ilə bağlı Misirin vəzifəsi repressiv rejimlərə və qiyamçı paralel quruluşlara sahib terror təşkilatlarına dəstək vermək deyil, xalqın fikirlərini dinləmək, bölgədə davamlı sülh, təhlükəsizlik və sabitliyə xidmət etmək olmalıdır”.

Qeyd edək ki, S.Şükri qatıldığı iclasda Türkiyənin Suriyadakı varlığına etiraz edib.