Islam Times - Tramp 335 milyon dollar müqabilində Sudanı terror siyahısından çıxartdı

İslamTimes: ABŞ Prezidenti Donald Tramp Sudanı beynəlxalq terrorizmin sponsorları siyahısından çıxarıb.

Axar.az xəbər verir ki, bu məlumatı Ağ Evin Mətbuat Xidməti yayıb. Sudanın yarım il ərzində beynəlxalq terrorizm aktlarına heç bir dəstək vermədiyi iddia edilərək bu addım atılıb.

Həmçinin Sudan hakimiyyətinin gələcəkdə beynəlxalq terrorizmi dəstəkləməyəcəyinə dair öhdəlik götürdüyü vurğulanıb.

Qeyd edək ki, bir müddət öncə Tramp Sudanın yeni hökumətinin terror qurbanları olan amerikalılara və onların ailələrinə 335 milyon dollar məbləğində təzminat ödəməyi qəbul etdiyi üçün bu ölkəni terror siyahısından çıxaracağını açıqlamışdı.