Baydendən Trampa xəbərdarlıq: Yanvarın 20-nə dək...

Teleqraf.com xəbər verir ki, 2021-ci ilin 20 yanvarına qədər prezidentlik kürsüsündə oturmayacağını xatırladan Bayden ölkədə sürətlə artan COVİD-19-a qarşı təcili hərəkətə keçilməsini tələb edib.

Bayden pandemiya ilə mübarizə üçün qurduğu komanda ilə bir araya gələrək səhiyyə işçilərinin və xəstəxanaların böyük təzyiqlə üz-üzə olduğunu deyib. O əlavə edib ki, böhranla bağlı təcili federal müdaxilə lazımdır, amma təəssüflər olsun ki, bu, uzun müddətdir edilmir: “Mən prezident seçkilərində qalib gəldim, amma bu ilin sonuna qədər prezident deyiləm. Sağlamlıq isə tarixə baxmır hakimiyyət dərhal hərəkətə keçməlidir”.

ABŞ xalqını sosial məsafəni qorumağa dəvət edən Bayden insanları üzərinə düşən vəzifələri yerinə yetirməyi və maska taxmağı vacib sayıb.

Qeyd edək ki, pandemiyanın ikinci dalğası yaşanan ABŞ-da gündəlik 100 mindən çox insanda yoluxma qeydə alınır.