Axar.az xəbər verir ki, bunu Rusiya xarici işlər naziri Sergey Lavrov bildirib.
“Mən onlarla (Minsk Qrupunun həmsədrləri) görüşdüm, həmkarlarımız da onlarla görüşdü, tam məlumat verildi. Bu məlumat bir daha təsdiqlədi ki, 9 noyabrda imzalanan saziş tamamilə ATƏT-in Minsk Qrupu həmsədrləri tərəfindən təsdiqlənmiş və dünyada geniş dəstək almış prinsiplərə uyğundur ”, - Lavrov deyib.
O qeyd edib ki, 9 noyabrda Rusiya, Azərbaycan və Ermənistan liderləri arasında imzalanan müqavilənin icrasını ləngitməyə çalışmaq, bu müqavilənin tam həyata keçirilməsinə imkan verməmək meyli var, bunu hiss edirik:
“Ancaq hər kəs razılaşmanın uğurla həyata keçirildiyini qəbul etməlidir. Rusiya sülhməramlı əməliyyatının mahiyyətini dəyişdirmək səylərini müşahidə edir, gizli olsa da, bu cür səylər var”.