BMT-də İranla nüvə anlaşması müzakirə ediləcək

Publika.az "Novosti"yə istinadən xəbər verir ki, bunu CAR-ın dünya təşkilatındakı daimi nümayəndəsi Ceri Mettyus Matjila deyib.

Onun sözlərinə görə, toplantı 22 dekabr tarixində baş tutacaq.

Qeyd edək ki, İran nüvə məsələsi üzrə danışıqlar zamanı əldə edilmiş razılıqda nəzərdə tutulan radioaktiv maddə ehtiyatını artırmaqda davam edir. Atom Enerjisi üzrə Beynəlxalq Agentliyin (AEBA) üzvlərinin yaydığı sənəddə bildirilib ki, noyabrın 2-dək olan məlumata əsasən, İranda nüvə yanacağı ehtiyatı 2 400 kq-dan artıqdır.

2015-ci ilin yayında “altılıq” ölkələri ilə əldə edilən razılaşmaya görə, İslam Respublikası 200 kq səviyyəsində radioaktiv maddə əldə edə bilər.

İran bu razılaşmaya son günlərədək əməl etsə də, ABŞ-ın razılaşmanı pozaraq, İrana sanksiaya tətbiq etməsindən sonra, rəsmi Tehran da artıq nüvə ehtiyatının həcmini artıracağını bəyan edib.