Islam Times - Vaşinqton: Rusiya və ya Çindən silah alan ölkəyə sanksiya tətbiq olunacaq!

Vaşinqton: Rusiya və ya Çindən silah alan ölkəyə sanksiya tətbiq olunacaq!

İslamTimes: ABŞ Dövlət katibinin siyasi-hərbi məsələlər üzrə köməkçisi Rusiya və Çindən silah almağa çalışan ölkələrin sanksiyalarla qarşılaşacağını söyləyib.

ABŞ Dövlət katibinin siyasi-hərbi məsələlər üzrə köməkçisi İraqın Rusiyadan hava hücumundan müdafiə sistemləri almaq planlarından danışarkən, Rusiya və Çindən silah sistemləri almağa çalışan ölkələrin sanksiyalarla qarşılaşacağını söyləyib.

Sputnik-in verdiyi məlumata görə, ABŞ Dövlət Katibinin Siyasi-Hərbi İşlər üzrə Köməkçisi Kark Kuper, "Rusiya-Çin sistemləri, platformaları Amerika sistemləri ilə uyğun gəlmir. Təhlükəsizlik sahəsində qarşılıqlı əlaqədə olduğumuz ölkələr bizim sistemlərimizə uyğun sistemlərə yiyələnməlidilər. Bəziləri Rusiyanın paslanmış silahlarını və ya Çinin ucuz sistemlərinin ardınca ola bilər. Ancaq ABŞ ən yaxşı tərəfdaşdır. Hansısa ölkə Rusiya və ya Çin istehsalı olan silahlara üstünlük versə o zaman CAATSA qanundan istifadə edərək onlara sanksiya tətbiq edə bilərik!"