İğtişaşlar İngiltərənin şəhərlərinə yayılıb

APA-nın bbc.com saytına istinadən verdiyi xəbərə görə, Birmingem, Mancester, Liverpul, Nottingem, Bristol və digər şəhərlərdə iğtişaşlar baş verib.

Londonda asayişi qorumaq üçün 16 min polis əməkdaşı şəhərin küçələrinə çıxıb.

Baş Nazir Devid Kameron hadisələri müzakirə etmək üçün yay tətilindən yarımçıq dönüb.

İğtişaşlar Tottenhamda ötən həftə gənc oğlanın polis tərəfindən öldürülməsindən sonra şənbə günü qızışıb.

Son üç gün ərzində Londonda cinayət törətməsi iddia edilən 400 adam həbs olunub. 69 adam müxtəlif cinayətlərə görə müqəssir bilinib.