ABŞ-da həyəcan təbili çalındı
6 Jan 2021 10:20
İslamTimes: ABŞ-da naməlum şəxslər təyyarəni Kapitoli binasına çırpmaqla hədələdilər
Nyu-Yorkda bir neçə aviadispetçer naməlum şəxslərin təyyarədə Kapitolinin binasına uçmaq və İran generalı şəhid Qasim Süleymaninin qisasını almaq hədəsi ilə bağlı səs yazısını eşidiblər.
“Report”un məlumatına görə, bu barədə “CBS News” telekanalı bildirib.
"Çərşənbə günü biz təyyarədə Kapitoliyə uçacağıq. Suleymaninin qisas alınacaq", - telekanal bazar ertəsi Nyu-Yorkun aviadispetçerlərinin eşitdiklərindən sitat gətirib.
Bu xəbərdarlıqların kimlər tərəfindən göndərildiyi hələ müəyyənləşdirilməyib.
Telekanalın məlumatına görə, bununla belə, hakimiyyət hücum təhlükəsinin baş verəcəyini ehtimal etmir. Onlar aviasiya tezliklərini araşdırırlar.
Story Code: 908440