Islam Times - Rəsmi Dəməşq: Əl-Qaidə və digər terror qruplaşmaları ABŞ-ın əlaltılarıdır

Rəsmi Dəməşq: Əl-Qaidə və digər terror qruplaşmaları ABŞ-ın əlaltılarıdır

İslamTimes: Suriya Xarici İşlər Nazirliyi ABŞ hökumətinin İran İslam Respublikası barədə son ittihamlarına görə təəccübləndiyini və bu addımı qınadığını bildirib.

Suriya Xarici İşlər Nazirliyindəki mənbə deyib: "Rəsmi Dəməşq ABŞ-ın İranın Əl-Qaidə terror qruplaşmasına dəstək verməsi ilə bağlı iddialarının tam yalan olduğunu bildirir və bu addımın ABŞ-ın Tehrana qarşı həyata keçirdiyi anti-təbliğat kompaniyasının bir hissəsi olduğunu düşünür."

Suriyanın rəsmi xəbər agentliyi (SANA) yazıb: "Suriya XİN bildirib ki, ABŞ-ın bu iftiraları yalnız özünü aldada bilər. ABŞ belə iftiralarla özünə qarşı yönəlmiş ittihamlardan yayınmağa çalışır.

Hər kəs Əl-Qaidə və digər terror qruplarının ABŞ tərəfindən yaradıldığını yaxşı bilir. ABŞ bu terror qruplaşmalarından istifadə edərək məntəqə xalqlarını qorxudur, sabitliyi və təhlükəsizliyi pozaraq bu ölkələrə hakim olmağa çalışır."