Həmas: ABŞ-ın Fələstin-İsrail problemində səmərəli vasitəçiliyi bir xəyaldır
Story Code : 912278
Fələstinin Həmas təşkilatının sözçüsü Hazem Qasim Fələstin Muxtariyyətinin bəzi səlahiyyətlilərini yeni ABŞ rəhbərliyinə yersiz etimad etməkdən çəkinməyə çağırıb.
Fələstin Muxtariyyətinin əmək naziri Əhməd Məcdəlani bildirmişdi ki, ABŞ-ın yeni rəhbərliyi Tramp administrasiyasından daha fərqli bir yol tutacaq.
Həmas sözçüsü bildirib ki, Məcdəlaninin ABŞ-ın yeni rəhbərliyi ilə bağlı fikirləri bəzi fələstinli nazirlərin Sionist rejimlə problemlərin həlli ilə bağlı boş ümidlər bəslədiyini göstərir.
Həmas sözçüsü bəzi səlahiyyətlilərin yeni ABŞ Dövlət katibinin sözlərini yada salmadan ABŞ-a qarşı xoş münasibət bəsləməsini tənqid edib.
Qeyd edək ki, ABŞ-ın yeni Dövlət katibi, işğal olunmuş Qüdsü hələ də Sionist rejimin paytaxtı kimi tanıyacaqlarını və ABŞ səfirliyini bu şəhərdən köçürməyəcəyini dilə gətirmişdi.