Trampa göz dağı!

ABŞ-ın eks-prezidenti Donald Trampın “Mar-a-Lago” kimi tanınan çimərlik və golf sahəsindən yayımlanan şəkillər və videolarda “Tramp ən pis prezidentdir” və “Bədbəxt məğlub olan Tramp Moskvaya qayıdır” şüarları yazılmış plakatlar nümayiş olunub.

Haffinqton Post qəzetinin yazdığına görə, plakatları daşıyan təyyarələrin görüntüləri və videoları hadisə yerində CBS News müxbiri də daxil olmaqla yerli şahidlər tərəfindən videoya çəkilib.

Eks-prezidentin plakatları ümumiyyətlə görüb görmədiyi açıqlamayıb.

Trampın olduğu “Palm Beach” kurort zonası kimi məşhur deyil. Baydenin qalib olduğu bu bölgənin sakinləri Trampın qolf sahəsindən istifadəsinə məhdudiyyət qoymaq planını məhkəməyə verməklə təhdid etmişdilər.

Dünən (24 yanvar) Tramp prezidentliyinin sona çatmasından bəri Floridanın Palm Beach ərazisində qolf sahəsindəki ilk açıq görüntüləri paylaşılmışdı.

“Amerikanı yenidən möhtəşəm et” sözləri yazılmış kampaniya şapkasını geyinən Tramp prezidentlik müddətinin çox hissəsini əyləncəli keçirdiyi qolf sahəsinə çıxmışdı.

Onlarla pərəstişkarı da kompleksin qarşısında toplanmışdı. Bəzi Tramp tərəfdarları əllərində “Sən hələ mənim prezidentimsən” və “Tramp qalib oldu” yazılmış plakatlar tutmuşdular. Tramp bir anlıq onların yanına getmiş və salamlamışdı. /Deyerler/