Islam Times - Səudiyyə Ərəbistanı Rusiyadan S400 və Suxo 35 qırıcısı almaq istəyir

İslamTimes: Co Baydenin prezidentlik vəzifəsinin icrasına başlamasından sonra Səudiyyə Ərəbistanına hərbi təchizatlar satışını dayandırması Ali-Səud rejimini nigaran edib.

Son bir neçə il ərzində xüsusi amansızlıqla Yəmən xalqını qətliam edən Səudiyyə rejimi ABŞ və bir neçə Avropa ölkəsi tərəfindən ciddi məhdudiyyətlərlə üzləşib. Rəsmi Riyazın bu günədək müttəfiqi olmuş ölkələr də açıq şəkildə bildiriblər ki, Yəməndəki insani böhranın əsl səbəbkarı məhz Səudiyyə Ərəbistanıdır.

Bütün bu problemlər Ali-Səud rejiminin özü üçün yeni tərəfdaş axtarmasına səbəb olub. Rusiya KİV-i bildirir ki, Ərəbistan hazırda Rusiyadan S-400 və Suxo-35 almaq üçün danışıqlar aparır.