Islam Times - İran MAQATE müşahidəçilərini özünün nüvə obyektlərinə buraxacaq

İslamTimes: İran hakimiyyəti Atom Enerjisi üzrə Beynəlxalq Agentliyin (MAQATE) müşahidəçilərinin sayını azalda bilər, amma obyektlərə girişi tamamilə bloklamayacaq.

“Report” xəbər verir ki, bu barədə İranın xarici işlər naziri Məhəmməd Cavad Zərif CNN telekanalına müsahibəsində deyib.

Bu, MAQATE müfəttişlərinin fəaliyyətinin ləğvi demək deyil, yalnız onların sayının azaldılmasıdır", - İranın Xarici işlər naziri deyib. Məhəmməd Cavad Zərif qeyd edib ki, indi İranda MAQATE-nin dünyada ən ciddi yoxlanış mexanizmi mövcuddur.

Daha əvvəl İran hakimiyyəti bildirib ki, əgər Qərb ölkələri 21 fevrala qədər nüvə sazişinə riayət olunmasını təmin etməsələr, onda İran MAQATE-in əlavə protokoluna riayət etmədən imtina edəcək. Bu, Tehrana agentliyin müşahidəçilərinin özünün nüvə obyektlərinə girişini tamamilə qadağan etmək hüququ verə bilər.