Islam Times - Ərdoğan: ABŞ terrorizm və terrorçuların yanındadır!

İslamTimes: "Amerikalılar qaçqınları xilas etmək barədə düşünmür. Terrorizm və terrorçuların yanında olan ABŞ-ı nigaran edən başqa mövzudur..."

Türkiyə Prezidenti Rəcəb Tayyib Ərdoğan deyib: "Qaçqınların qayıqları bilərəkdən batırıldı. Yunanıstan sərhədində qaçqınlar açıq şəkildə təqib edildi və utandırıcı mənzərələr yaşandı. İnsanlıq Aralıq dənizi, Egey və Evrosda öldü..."

Ərdoğan Qərb ölkələrinin qaçqınlardan sui-istifadə etməsinə işarə edərək əlavə edib: "Yüzlərlə qaçqını qəbul edərək onlardan bir vasitə kimi istifadə edənlər, insan həyatı ilə əlaqəli bu böhrana görə məsuliyyəti qəbul etmirlər. Maddi cəhətdən bizdən qat-qat daha çox imkanlara malik olan ölkələr qaçqınları düşərgələrə həbs etdi. Amma biz süfrəmizdəki çörəyimizi belə onlarla bölüşürük."

Türkiyə prezidenti Suriyada və digər ölkələrdə olan PKK, PYD terrorçularına dəstəyə görə də Amerikanı sərt tənqid edib.