Islam Times - "Səudiyyə koalisiyası yalvararaq bizdən əməliyyatları dayandırmağımızı istəyir"

"Səudiyyə koalisiyası yalvararaq bizdən əməliyyatları dayandırmağımızı istəyir"

İslamTimes: Təcavüz və mühasirə davam edərsə, Yəmən ordusu qanuni cavab haqqından istifadəyə davam edəcək!

Əl-Mayadin şəbəkəsinin verdiyi xəbərə görə, Yəmən Müdafiə Nazirliyinin baş qərargah rəisinin müavini Əli əl-Müşki deyib:
"Təcavüzkarlar və düşmənlər üzərində qələbəyə çox yaxınıq. Səudiyyə koalisiyası və tərəfdarları bizə hərbi əməliyyatları dayandırmağımız üçün yalvarırlar...
Təcavüzkar koalisiyanın rəsmi Sənanı hərbi əməliyyatları dayandırmağa çağırması həqiqətən gülüncdür. İşğalçılar, muzdlular tərəfindən çərkləndirilmiş, işğal edilmiş torpaqlarımızın, ərazilərimizin təmizlənməsindən necə imtina etmək olar?!
Yəmənə qarşı təcavüz və mühasirə davam edərsə, ordumuz qanuni cavab hüququndan istifadə edərək, düşməni yerində oturdacaq. Hərbi sənaye və müdafiə qabiliyyətlərimizi yüksəltməyə davam edəcəyik!
Bu gün artıq Yəmən xalqı vətənlərini müdafiə etmək yolunda çox şeylərindən keçiblər. Artıq geri dönüş yolu yoxdur!"