Islam Times - Səfir: "İran işğaldan azad olunan ərazilərin bərpasında iştirak etmək istəyir"

Səfir: "İran işğaldan azad olunan ərazilərin bərpasında iştirak etmək istəyir"

İslamTimes: İranın Bakıdakı səfiri Azərbaycanın yüksək səviyyəli rəsmilərinin İran şirkətlərinin Dağlıq Qarabağ bölgəsinin yenidən qurulmasında iştirak etmək üçün rəsmi şəkildə dəvət etdiyini bildirib.

APA-nın Tehran bürosunun məlumatına görə, bunu Seyid Abbas Musəvi İranda keçirilən Dağlıq Qarabağ beynəlxalq konfransı çərçivəsində deyib.

O qeyd edib ki, KİV-lərin bildirdiyinə görə, Azərbaycan dövlətinə işğaldan azad edilən bölgələrin bərpası üçün 10 milyard dollardan çox vəsait lazımdır: “Ölkəmiz texniki - mühəndislik sahələrində yüksək təcrübəsi və ucuz resursları olduğu üçün Dağlıq Qarabağ bölgəsinin bərpasında yüksək əməkdaşlıq imkanlarına malikdir”.

Qarabağda yenidənqurma işlərinin başlayacağı vaxta toxunan Musəvi deyib: “Azərbaycan dövləti ehtiyacları qiymətləndirdikdən və şəhər yenidənqurması ilə bağlı kompleks planını elan etdikdən sonra zərərçəkmiş ərazilərdə yenidənqurma işlərini elan etməsini planlaşdırır”.