Abdullah Gül Dmitri Medvedevlə Qarabağ məsələsini müzakirə edəcək

Trend-in məlumatına görə, bu barədə Türkiyənin "Zaman" qəzeti məlumat yayıb.

Abdullah Gül sentyabrın 7-də və 8-də Yaroslavl Qlobal Siyasi forumunda iştirak etmək məqsədi ilə Rusiyaya səfər edəcək.

Rusiya Prezidenti Dmitri Medvedevin rəhbərliyi ilə baş tutacaq forumda, həmçinin Almaniya Kansleri Angela Merkel və Latviyanın sabiq prezidenti Valdis Zatlers də iştirak edəcəklər.

Güllə Medvedevin görüşündə Qarabağ münaqişəsi ilə yanaşı, İranın nüvə proqramı, Əfqanıstan, İraq, Liviya, Misir və Suriyadakı vəziyyət də müzakirə mövzusu olacaq.