Publika.az Türkiyə bürosu xəbər verir ki, 23 apreldə “Milli Suverenlik və Uşaq Bayramı” günü münasibəti ilə rəsmi tətil ealn edilib. Nəticədə həftəsonu tətbiq ediləcək küçəyə çıxmaq qadağası bu gün (22 aprel - Red), yerli vaxtla saat 19:00-dan etibarən qüvvəyə minəcək.
Cümə, şənbə və bazar günlərini əhatə edəcək sərt karantin rejimi 26 aprel, yerli vaxtla saat 05:00-dan sonra qismən yumşaldılacaq.
Qeyd edək ki, Türkiyədə yeni növ koronavirus infeksiyasının yayılmasında, gündəlik ölüm halında və ağır xəstələrin sayında artım müşahidə olunur. İndiyədək ümumilikdə 4 446 591 nəfərdə virus aşkarlanıb, müalicə alan 36 975 nəfər ölüb. Hazırda 3 398 nəfər reanimasiyadadır.