Koronavirusu bir saniyəyə məhv etməyin yeni üsulu tapılıb

Texas Universitetinin alimləri yüksək temperaturdan istifadə edərək SARS-KoV-2 koronavirusunu bir saniyədə öldürməyin yolunu tapıb ki, bu da patogenin uzunmüddətli ötürülməsinin qarşısını almaq üçün yeni yollar tapmağa imkan verir. COVID-19 virusunu müvəffəqiyyətlə təsirsiz hala gətirmək üçün istiliyin tətbiqinin effektivliyi əvvəllər də göstərilmişdir, lakin əvvəlki tədqiqatlarda istiliyə məruz qalma bir dəqiqədən 20 dəqiqəyə qədər davam edir və bu praktik deyil.

Mütəxəssislər, içindən koronavirus məhlulu keçən, paslanmayan polad borudan ibarət, yeni təcrübə qurğusu hazırladılar. Boru yüksək temperaturda istilənir, virus isə yalnız bir neçə saniyə istiyə məruz qalır. Virusun əvvəllər düşünüləndən daha qısa müddətdə zərərsizləşdirilə biləcəyi ortaya çıxıb. Məhlul təxminən yarım saniyə ərzində 72 dərəcə Selsiyə qədər qızdırılırsa, virusun titri yüz min dəfə azalır, bu da virusu təsirsiz hala gətirmək və insanlara keçməsinin qarşısını almaq üçün kifayətdir. Bu metod mövcud kondisioner, havalandırma və istilik sistemlərinə tətbiq edilə bilər. /Deyerler/