Islam Times - Çavuşoğlu: İsrail Ramazan bayramını zəhər etdi

İslamTimes: İsrail, fələstinliləri tarixi torpaqlarından sıxışdırmaq məqsədilə Ramazan ayında onlara qarşı təzyiqləri artırıb.

SalamNews "Anadolu"ya istinadən xəbər verir ki, bunu Türkiyə xarici işlər naziri Mevlut Çavuşoğlu, Türkiyə parlamentinin Yaxın Şərqdəki vəziyyətə dair xüsusi iclasında bəyan edib.

"200-dən çox fələstinli həyatını itirdi. İsrail bayramı bizə və fələstinlilərə zəhər etdi.

Türkiyə Fələstinin mülki əhalisinin BMT-nin himayəsi altında qorunması üçün beynəlxalq mexanizmin formalaşmasının tərəfdarıdır", nazir deyib.