Islam Times - Bu gün Suriyada prezident seçkiləri keçirilir

İslamTimes: “Bu gün Suriya Ərəb Respublikasında keçiriləcək president seçkilərində hazırkı dövlət başçısı Bəşər Əsəd favoritdir”.

APA TASS-a istinadən xəbər verir ki, bunu ölkənin daxili işlər naziri Məhəmməd Rəhmon Dəməşqdə keçirilən mətbuat konfransında bildirib.

18 milyondan çox vətəndaşın iştirak edəcəyini deyən nazir qeyd edib ki, səsvermə 12102 seçki məntəqəsində aparılacaq.

Nazirin sözlərinə görə, seçki pandemiya şərtləri çərçivəsində keçiriləcək: "Vətəndaşların rahatlığı üçün bütün lazımi tədbirlər görülüb. Yalnız sosial məsafəni qorumalı və qoruyucu maskalardan istifadə etməlidir”.

7 il müddətinə seçiləcək prezident postu uğrunda 3 namizəd - hazırkı president Bəşər Əsəd, Sosialist İttifaqçı Partiyasından keçmiş millət vəkili Abdullah Sallum Abdullah və vətənpərvər müxalifətin nümayəndəsi Mahmud Əhməd Murai mübarizə aparır.

Qeyd edək ki, seçki məntəqələri Bakı vaxtı ilə səhər saat 08:00-da açılacaq və axşam saat 20:00-da bağlanacaq.