Islam Times - İraqdakı İsrail agentlərinin bu ölkəyə necə gəldiyi açıqlandı

İslamTimes: İraqın "Əshabil Əhli Haqq" hərəkatının baş katibi Qeys əl-Xəzəli İsrail rejimi agentlərinin İraqdakı varlığından danışıb.

O vurğulayıb ki, İsrail rejimi xüsusi xidmət orqanlarının agentləri İraqda düşünüldüyündən də daha çoxdur.
"İsrail rejimi xüsusi xidmət orqanı əməkdaşları İraqa müxtəlif dövlətlərin yardım təşkilatları adı altında gəldilər. Onlar İraq torpaqlarındakı bütün ərəblərin və müsəlmanların öldürülməsinə, hətta ağaclarının da yerindən sökülərək bölgənin viran edilməsinə inanırlar", - deyə Qeys əl-Xəzəli diqqətə çatdırıb.
Qeys əl-Xəzəli açıqlamasında qeyd edib ki, İraq təhlükəsizlik orqanları İsrail agentlərinə qarşı effektiv addımlar atmalıdırlar. /Eastnews/