QR CodeQR Code

ABŞ-da “TikTok” ilə “WeChat” yenidən açıldı

9 Jun 2021 22:06

İslamTimes: ABŞ prezidenti Co Bayden “TikTok” və “WeChat” tətbiqlərinin ölkə ərazisində bağlanmasına dair sələfi Donald Trampın imzaladığı müvafiq fərmanları ləğv edib.


Publika.az xəbər verir ki, bununla yanaşı, Ağ Ev Çinin nəzarət etdiyi həmin tətbiqləri milli təhlükəsizliyə təhdid olaraq gördüyünü də açıqlayıb. Belə ki, prezident C.Baydenin fərmanında həmin tətbiqlər vasitəsilə fərdi məlumatların toplana biləcəyilə bağlı mümkün təhlükə qeyd olunub.

Fərmanda federal hökumətə milli təhlükəsizlik, xarici siyasət, iqtisadi hədəflər, o cümlədən Amerikanın başlıca dəyərləri və təməl azadlıqları baxımından hər hansı risk olub-olmadığını araşdırmaq çağırışı yer alıb.

Xatırladaq ki, ötən yay prezident Tramp ölkənin internet provayderlərinə hostinq servislərində adıçəkilən mobil tətbiqləri açmağı qadağan edən fərman imzalamışdı. Lakin federal məhkəmə bu fərmanın qüvvəyə minməsini dayandırmışdı.

 


Story Code: 937208

News Link :
https://www.islamtimes.org/az/news/937208/abş-da-tiktok-ilə-wechat-yenidən-açıldı

Islam Times
  https://www.islamtimes.org