Islam Times - Tel Əviv: Biz nüvə ölkəsi olan bir İranı görməyə hazır olmalıyıq

İslamTimes: Sionist rejimin müdafiə naziri Beni Qantz bildirib ki, İsrail gələcəkdə artıq nüvə ölkəsi olan bir İranla üzləşməyə hazır olmalıdır

Sionist rəsmilər Livan və İran da daxil olmaqla bölgədəki digər ölkələrdəki vəziyyəti yaxından izlədiklərini və onların fəaliyyətlərini daim nəzarətdə saxladıqlarını iddia ediblər.

Bu əsasla sionist rejimin müdafiə naziri Beni Qantz son çıxışında ölkə rəsmilərinə müraciət edərək bildirib ki, yaxın gələcəkdə artıq nüvə ölkəsi olan bir İranla üzləşməyə hazır olsunlar.

Hərbi akademiya məzunları ilə görüşdə Beni Qantz iddia edib: "Hər gün özünü nüvə silahı ilə təchiz etmək üçün daha ciddi təlaş göstərən İran qarşısında gücümüz və bacarıqlarımızı artırmaqdan başqa çarəmiz yoxdur. Biz şəxsi heyət və digər sahələrdə inkişaf etmək məcburiyyətindəyik."