Islam Times - Sionist rejim Mahmud Abbasa canişin təyin etmək ardıncadır

İslamTimes: Sionist rejim Mahmud Abbasa canişin təyin etməklə HƏMAS Müqavimət Hərəkatının İordan çayının qərb sahilində nüfuzunun artmasına mane olmağa çalışır

İşğalçı İsrail rejimi və Amerika Fələstin Muxtar Respublikası rəhbərliyini çətin iqtisadi vəziyyətdən, böhrandan qurtarmaq niyyətindədir. Onlar bu yardım sayəsində sionist rejimin maraqlarına xidmət edəcək növbəti şəxsi hazırkı prezident Mahmud Abbasa canişin olaraq təyin etmək istəyirlər. Bu yolla HƏMAS Müqavimət Hərəkatının İordan çayının qərb sahilində nüfuzunun artmasına da mane olmağa çalışılır.

Fələstin Muxtar Respublikası rəhbərliyinin son dönəmlərdə həm iqtisadi baxımdan həm də siyasi arenada biabırçı fəaliyyəti fələstinlilərin bu hakimiyyətə inamının sıfıra enməsinə səbəb olub. İşğalçı İsrail rejiminin Qəzzaya son hücumları zamanı Müqavimət Hərəkatının "Dəmir Qübbə" sistemi ilə qorunan Tel-Əvivi belə raketlərlə hədəf ala bilməsi isə HƏMAS-ın nüfuzunun daha da artması ilə nəticələnib. Bu səbəbdən Vaşinqton və Tel-Əviv Muxtar Respublika rəhbərliyinə yeni ruh bəxş etmək ardıncadır.