Islam Times - ABŞ Energetika Nazirliyi rəsmisi: Tehran nüvə silahı ardınca deyil!

İslamTimes: ABŞ prezidenti Co Bayden, 2016-cı ildən bu günədək ABŞ Nüvə Birliyi üzvü olan Corey Hindersteini Energetika Nazirinin Nüvə Silahlarının Yayılmaması məsələləri üzrə köməkçisi təyin edib.

Son 10 ildə Vaşinqtonda yerləşən "Nuclear Threat Initiative" (NTI) Təşkilatında müavinlərdən olan xanım Corey Hinderstein 2021-ci ildə İranla Amerika arasında Vyana danışıqları başlayan zaman Amerika Milli Radiosuna açıq şəkildə bildirmişdi ki, İran İslam Respublikası Atom silahı hazırlamaq niyyətində deyil.

Amerikalı rəsmi ABŞ-ın öhdəçiliklərindən boyun qaçırmasından sonra İranın nüvə zənginləşdirməsini 60 faizə yüksəltməsinə işarə ilə bildirib ki, bunlar texniki proseslərdir və hər şeyi öncəki vəziyyətə qaytarmaq mümkündür. Mühüm olan Tramp dövlətinin İrana qarşı sanksiyalarını ləğv etməklə İranın nüvə zənginləşdirməsi prosesini nüvə sazişində göstərilən həcmə sövq etməkdir.